股票編號:                           站內搜尋: 熱門搜尋: 泰國自由行 澳門娛樂場 台灣自由行 Baby用品    


 
牛頭角陳冠希  


牛頭角陳冠希
 返回主頁
 RSS 訂閱

2017
Apr
SMTWTFS
1
2345678
9101112131415
16171819202122
232425262728
29
30


在線瀏覽人數:1
昨日人次:46
累積人次:341178
昨日瀏覽:620
累積瀏覽:1577196
網誌:467
回應:756


 

孫柏文咁樣點溝到女呀! 
2012/2/9 上午 11:14:40
 

今日肥仔都幾搞笑, 寫篇文講佢同港女嘅對話, 真係吹q脹.

講真, 靚嘅港女根本唔需要有學識, 靚就有人要啦 --- 呢個係社會現實.

談心唔應該談對手唔識嘅話題, 否則就搞到人地好唔好開心或者自卑. 作為一個吹得之人, 你應該收聲, 俾佢開話題, 否則只係自說自話, 一啲情趣都無. 咩福克蘭群島同大英帝國, 根本唔會係港女想講嘅話題.

總結: 女性嘅內心世界真係你嘅弱項
.


金手指: One Kong Girl at a time

前晚,孫柏文有幸被邀到葉潔馨同香樹輝每年一度嘅春茗馨香宴。席上有好多前輩,我獲益良多,例如老總沙膽虹、青姐胡孟青同埋八達通嘅左丁山叔叔。最令我感動,就係前輩們都有關心我嘅近況,而我亦好誠實咁答:「依家冇嘢做,時間多咗好多,所以走去為齊家出力。以前打電話俾女仔約食飯,唔係佢呢日唔得,就係我嗰日要做節目。依家就唔同,我可以做到倪震嘅( KPI) Key Performance Index,打電話來我 15分鐘就到。」

唔識都舢舨充炮艇

咁啱,我就喺一次約會中同一名靚港女喺尖東海旁傾計,因為勝在嗰度冇香港人認得我。因佢喺約會前 Google過我個名,所以知我有個 blog,亦有睇我啲 post,就問:「點解你個 post話我哋呢啲八十後,要求『 B& O平權』就係 naive?關電視係平嘅咩事?」

我:「嗰個係 Bang and Olufsen,我講嘅係 BN( O),護照呀。」咁個女仔就好似好明咁點頭,話:「哦……」因為知道佢有嚴重職業病,唔識都舢舨充炮艇,我就問:「咁妳都有本, BN( O)嗰三個英文字母代表啲咩?」港女:「吖吖 British吖,唔知。」

嗰刻,諗住成晚流流長,就睇吓件港女對呢啲話題嘅耐性有幾多,佢嘅好奇心有幾強。咁講到大英帝國對殖民地人民意願嘅尊重程度有出入,我就想先同佢講英揆卡梅倫啱啱講點對福克蘭群島。當然,費事佢有嘢唔明跟唔到個 Story,我就問佢啲最基本嘅嘢,先來係知唔知福克蘭群島喺邊。

佢話唔知,咁我就攞部手機出來,開 Google Map,跟住狂 Zoom out至見到世界地圖。我用手指撥去大西洋後,就俾佢睇部機嘅畫面,開始話福克蘭群島喺阿根廷對出。

不過,我一開口,又見佢點頭扮晒明白咁話:「哦。」跟住我就問:「唔講福克蘭群島同阿根廷住,妳知唔知英國喺邊?不如指俾我睇。」原來係唔知。

指住加拿大話係美國

算,有如千禧年代拒接受 OBE銜頭嘅人兄話齋,都冇 Empire,有如英國嘅小國,港女真係可能唔知喺邊。咁為建立佢嘅信心,唔好吓吓唔識,我就 Zoom in到北美問:「美國呢?」佢好有自信咁指住畫面話:「呢度囉。」我答:「呢個係加拿大喎。」咁我指住阿拉斯加問佢,佢話:「呢個唔係美國,因為我知美國喺加拿大南邊。呢個應該係墨西哥!」

聽到呢度我就話:「係呀,所以當好多墨西哥人湧入美國生仔,美國人同我哋香港人一樣話北方飛來蝗蟲,哎。」之後佢知我笑佢時,佢就話唔識係因為冇接觸,學校冇教,返工冇用等等。

咁大家可能會問,呢件港女咩料?佢咪就係友報裏最鍾意女神化嘅港女囉,靚、「 talk得」、月薪直迫六位數、後生、跨國銀行做,最諷刺嘅地方係佢間行嘅總部喺倫敦,所以我問:「如果妳他朝做咗銀行話事人,啲手下話邊度邊度出事,妳會點呀?」

女性嘅內心世界當然係我弱項,不過娛樂港女係我哋港男應做嘅事, One Kong Girl at a time。

孫柏文
作者為獨立股評人
本欄逢周二、四刊出

 
Tag
人氣(1599)

 




重要聲明:《骷髏誌》是以即時上載留言的方式運作,骷髏會、881903.com、商台製作有限公司、香港商業廣播有限公司對所有網誌及留言的真實性、完整性及立場等,不負任何法律責任。而一切網誌、留言之言論只代表博客及留言者個人意見,並非本網站或骷髏會之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及法律或投資等問題)。由於《骷髏誌》受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。骷髏會、881903.com有權刪除任何留言及拒絕任何人士上載留言(刪除前或不會作事先警告及通知),同時亦有不刪除留言的權利,如有任何爭議,881903.com擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。881903.com保留一切法律權利。
 

聯絡我們 服務條款 免責聲明 私隱政策 版權